كتبت: رحاب احمد
تصدر حفل فريق كايروكي ومغني الراب مروان بابلو القادم، تريند مواقع التواصل الاجتماعي، بسبب أزمة تذاكر الحفل خلال شهر مايو.
حفل كايروكي القادم يثير غضب المُحبين
وأثار حفل فريق كايروكي الجدل عبر مواقع التواصل، متصدرا التريند بسبب أزمة تذاكر الحفل، التي تسببت في غضب مستخدمي حسابات، على منصات فيسبوك وتيك توك، معربين عن استيائهم مما يحدث من قبل المسؤولين عن بيع التذاكر، باحتكارها ثم بيعها بأكثر من سعرها للجمهور.
كما تم تداول أحد المنشورات، الذي يوضح تفاصيل الأزمة التي حدثت بسبب بيع تذاكر حفل كايروكى القادم بالاشتراك مع مغني الراب الشهير مروان بابلو، على مسرح الجامعة الأمريكية، مما دفع رواد فيسبوك لتعميم مشاركة المنشور.
تذاكر حفلة مروان بابلو وكايروكي
وجاء به: اللي بيحصل في حفلة كايروكي ومروان بابلو ده ما هو إلا استغلال واضح وصريح للفانز، واستغلال حبهم للفنانين، وللأسف الفنان نفسه بيوافق على اللي بيحصل.
وأضاف منشور الشكوى من حفل مروان بابلو وكايروكي: يعني مش كفاية أسعار التذاكر الغالية.. بتعمل 3 فئات، لكن تبيع جزء بـ 600، 1000، 1700، وتقول ايه ده خلصت خدو جزء جديد تاني بس هيبقى بـ 700، 1300، 2050، وتقول خلصت خدوا جزء تالت بـ 800، 1500، 2250.
حفلة كايروكي المقبلة
وأكمل: ويا عالم في جزء رابع وخامس ولا لأ، والحقيقة الموضوع مقرف ومادي واستغلال لأبعد حد من الشركة المُنظمة ومن الباند والفنانين موافقين، مما دفع رواد السوشيال ميديا على الهجوم نحو ما يحدث تجاه تضارب أسعار تذاكر حفل كايروكي القادمة.
ولم يكتف مستخدمو فيسبوك بتداول المنشور، حيث تم تداول فيديوهات على منصة تيك توك، لإحدى الفتيات المُحبات لفريق كايروكي، تعبر عن اعتراضها على هذه الطريقة بزيادة أسعار تذاكر حفل كايروكى القادم.
إحدى جمهور كايروكي: دي سبوبة.. ومش هشتري التذكرة
وظهرت فتاة تُدعى سلمى حمزة عبر فيديو على حسابها على تيك توك، وقالت: دي مش أول مرة أحضر حفلات في الجامعة الأمريكية، وحضرت أكتر من حفلة في نفس المكان، وعارفة اللي بيحصل في التذاكر لكن المرة دي زيادة عن اللازم، أنا مش حابة إن السبوبة تبقى على قفايا أنا، وكنت بدفع تذاكر تتراوح بين 400 و600، لكن دلوقتى لازم أدفع 1500 و2050، وده كتير أوي.
وأضافت سلمى: أنا مش هجيب التذكرة، ليه بتعملوا الحركات دي، ليه بتلموا التذاكر من الجهة الموزعة وبعد كدة تبيعوها بـ سعر أغلى، ليه بتصعبوا الحفلة ما نخلي كل حاجة طبيعية ونشتري التذاكر عادي، لكن انتو بتستغلوا إننا من جامعات دولية.
