بقلم – محمد مصطفى مصطفى
قلم مكسور على دفتر
لتدوين الوجع واكتر
ودي فوطي ودا حزامى
ودي ولا حاجه وبتحكم
وحلمى يروح ساعات يرجع
ودى مزيكا مختلفه وبيها
كتير انا بهرب يروح
احساسى متلخبط هزيل
سكران ومتخبط
وده شغفى اللى
مات ماعرفش
ودا صبرى رفيق الدرب
ودى بدايه ومبتكملش
ودى مرايتى وفيها الوش
عبوس حبه بكم ندبة
لكن يضحك
وقلب شباب صبح شايب
وعمر بيجرى يتسرسب
روبابيكيا كدا وكراكيب
وزحمه واقفه فى المشهد
وبكره دا اخو امبارح
فأمشى اروح وتانى اهرب
أنام فى خيالى وأتمدد
على فكره انا كافر
بكل الواقع الأسود
لكني مش يائس
من حسمك المنشود
وعدلك البتر
وخلاصك المعهود
واليسر بعد العسر
والجبر بعد الكسر
قادر محيط كاشف
رب العباد والخالق
