كتبت : يمنى أسامة
حالة كبيرة من الجدل أثارها الفنان عمرو دياب، بعد صفعه لأحد المعجبين الذي حاول التقاط صورة معه في إحدى حفلة زفاف أحياها أمس، الفعل الذي جعله يقع في مرمى الانتقادات من الجمهور، والذين رفضوا تصرف دياب، وشنوا هجومًا عنيفًا عليه على مواقع التواصل الاجتماعي.
وقال الحاج أسامة والد الشاب سعيد صاحب واقعة الصفع من عمرو دياب إنه سيحرر محضرا ضد الفنان عمرو دياب بعد صفعه لنجله في مقطع فيديو أثار غضب مستخدمي مواقع التواصل الاجتماعى.
وواصل والد الشاب: كان ضربه بالنار ولا يضربه بالقلم، إحنا ناس صعايده وهناخد حقنا بالقانون، وهعمل محضر دلوقتي في عمرو دياب.
وأضاف الحاج أسامة والد الشاب سعيد: ابني شغال وبياكل عيش من بعد ما اتخرج من الجامعة زي أي شاب، وشغال مع الناس بقالهم فترة ومفيش أي حاجة حصلت منه، وولدي دخل جوه أوضة وقفل على نفسه ومش بيرد على حد ولا راضي يتعامل معانا ولا يكلمنا، ودي إهانة كبيرة لينا وإحنا ناس صعايدة، وكان ضربنا بالنار ولا ضربنا بالقلم.
