كتبت: إيمان عوني مقلد
اكتست الجدران في العاصمة الأردنية عمان بثوب من الألوان في المهرجان السنوي لفنون الشوارع.
تجمع 18 فنانا لسبعة أيام وكانت نتيجة عملهم وثمرة لقائهم الفني والفكري 22 جدارية بأنحاء العاصمة الأردنية تركز على رسالة واضحة هي تشجيع الناس على حماية البيئة.
وقالت الفنانة سهى السلطان «العنوان (الفكرة والموضوع وهو البيئة) حبينا نركز عليه هاد السنة لانه مع الكورونا ومع كل اشي لما الناس صار فيه حظر بطل فيه نفايات بالشارع بطل فيه كل اشي.. هاد الاشي خف فيه.. احنا بس يكون حظر لازم نعمل هاي الشغلات بس لا لازم نشدد على هاي الشغلات حتى لو احنا بالشارع الشارع هو بيتنا الثاني يعني لازم نحافظ عليه».
وبالتعاون مع أمانة عمان الكبرى ينظم مسرح البلد مهرجان فناني الشوارع السنوي «بلدك». وأقيمت دورة هذا العام تحت شعار «الفن هو البيئة والبيئة هي الفن».
وفي إحدى الجداريات يظهر عامل نظافة مرسوما بالخطوط والألوان في صورة محارب روماني.
قال الفنان صهيب عطار «رسمة اليوم عم بعمل جندي روماني حامل كيس زبالة وحامل درع وفي كأنه ناس بترمي عليه بندورة زي ببين انه بحارب بخلي البلد نضيفة عم بعكس انه كعمال الوطن هو عبارة عن جنود عم بحاولوا يحافظوا على الوطن يكون نضيف».
وأعرب المنظمون عن أملهم في أن يكشف المهرجان السنوي قوة الفن كسلاح في معركة الوعي مع تسليط الضوء على المواهب في الداخل.
وقالت دلال متولي منسقة مهرجان بلدك «كل الفنانين عم بشوفوا انه هاي هي اللي بقدروا يعملوه بهاي القضايا من قضية البيئة لقضية الكورونا لأي قضية عالمية بشوفوا أنه الهم ايد بالموضوع وبنفس الوقت هي عم بتسمح من خلال نطاق التعبير إلى هون فن الجداريات بخليهم كمان في تفاعل خاص ودائم وكتير مميز مع الشارع ومع الناس إلي بالشارع وهاي حلاوته انه مفتوح لأي حدا مو محصور بمكان مو محصور بمعرض».
