كتيت : يمنى أسامة
كشفت الفنانة شيماء سيف، رأيها في أراء ياسمين عز، حول الرجال وتصريحاتها المختلفة التي تقولها، مؤكدةً أنها تختلف معها في الرأي لأن لكل سيدة تجربتها
وقالت شيماء خلال حلولها ضيفة بـ«كلام الناس»، الذي تقدمه ياسمين عز: «الرجالة نكدية، وهم اللي بيجبوا أساس النكد، وأنا عملت الاحصائية دي مع صحابي، وأساس أي خناقة بيكون الراجل، لكن الست راضية».
وتابعت: «والمشاكل النكد الحقيقي عند الراجل، وإحنا عايزين نشوف جوزك وأخوكي اللي أنتي بتقومي تجبيله الشاي، وحياتك غير حياتك، متطلعيش تقولي قواعد وتبقي عايزة الناس كلها تمشي عليها».
واستكملت شيماء منفعلةً على ياسمين: «خسئتي يا ياسمين، والبرامج اللي بتستهدف الستات جمهورها بتكون رقم واحد، لكن أنتِ الستات بتشوفك عشان تحسبن عليكي، وأنتِ معمولك غسيل مخ، وإن شاء الله ربنا يهديكي، لأن الدعوة عليكي مش جايبة نتيجة».
وقالت شيماء: «أنا عاملة نيولوك، وعملت العملية بتاعة تكميم المعدة، وخدت القرار، بالرغم من أني صاحبة مقولة ليه أعمل ريجيم وقدامي مكرونة بشاميل وشيكولاتة، ولكن كنت بقول كدا عشان صحتي كانت كويسة».
وتابعت شيماء: «لكن فجأة ودون سابق إنذار رجلي وجعتني، وركبتي مكنتش قادرة منها، ومش عارفة عامل إيه، وأطلع السلم وأصرخ، وكان عندي وجع فظيع، وكلمت دكتور قالي لازم أعمل أشعة، ولما بعتهاله، قالي إحنا لازم نعمل تغيير مفصل حالًا».
