كتبت: يمنى أسامة
ردت الفنانة بشرى على الفنانة مروة عبد المنعم بعدما مازحتها وقالت إنها قلدتها وارتدت نفس فستانها.
ونشرت مروة عبد المنعم صورة قسمتها لقسمين الأول صورتها وهي ترتدي فستان شبيه للفستان الذي ظهرت به بشرى في لقائها ببرنامج “حد النجوم”، وكتبت: “بطلي بقي يا بشرى تقلديني في فساتيني وشياكتي”.
مروة عبد المنعم تتحدث عن ارتداء بشرى لنفس فستانها
وكتبت بشرى لترد عليها: “يادى الزهايمر المبكر!!! يا بنتي ما إحنا دافنينه سوا قصدي شارينه سوا من مدام حنان أمين !! مش قلتلك تاخدى الدوا يا بنتى… ثم إنتي اشتريتي لون وأنا اشتريت لون تاني عشان نعمل بيهم tiktok فوازير مناسبات… أنا أعمل صابرين وانتى تعملى هالة فؤاد”.
تعليق بشرى
وكانت بشرى ظهرت في برنامج “حد النجوم” لأول مرة بعد احتفالها بزواجها وتحدثت عن التعليقات التي داءت لها بسبب فارق السن بينها وبين زوجها.
وحكت بشرى قائلة: “شفت تعليق موتني من الضحك قال الفرق 11 سنة بيني وبين عريسي ليه إن شاء الله هما شايفني زوزو شكيب ولا ميمي شكيب، يعني جبتوا الفرق دا منين أصلا لا شكلا باين ولا حتى موضوعا حتى الواقع مش كده تقريبا قد بعض حتى لو في فرق سنة ولا سنتين دا ولا حاجة ما أنا زيجتي اللي فاتت كان في فرق سنة بيني وبين زوجي”.
بشرى وخالد حميدة
وعن فكرة الفارق العمري بين الزوجين قالت بشرى: “مش بيرفق معايا يعني إيه أصلا دي تفاصيل في منتهى السطحية وبتضحكني جدا وأنا واخدة الدنيا بسخرية وبشوف الناس فيلم كرتون كبير فبالنسبالي لا أتوقف عند هذه التعليقات وكل واحد يخليه في حاله وأنا بالنسبة ليا العروسة للعريس والجري للمتاعيس”.
واحتفلت بشرى بزواجها في 31 يوليو الماضي، وأقامت حفلا في الساحل الشمالي وحضره عدد كبير من النجوم.
