حوار – أشرف سركيس :
قرينه هيفاء ملكة الموضة وعارضة الأزياء النجمة السورية سالى عوض والتى فتحت قلبها لترد على الكثير من التساؤلات الخاصه بها وبحياتها فى أول حوار صحفي لها وهذا نص الحوار : –
س- ممكن تعرفينا بنفسك وبعملك ؟
أنا سالي نوار عمري 45 عام خريجه آداب فرنساوى جامعة تشرين السورية وبعمل بالتسويق العقارى بدبي منذ 5 أعوام
س- هل الشبه اللى بينك وبين النجمة هيفاء وهبى ده زى ما بيقولوا يخلق من الشبه أربعين أم نتيجه لعمليات تجميل عشان تكونى شبها ؟
طبعا وأنا صغيرة كان ده شىء بيسعدنى أنى أكون شبه فنانه مشهورة بس مع الوقت اكتشفت أنه شىء غير محبب أنك تكون نسخة من حد
ووجه الشبه بينى وبين النجمه هيفاء طبيعى من عند الله بامرأه جميلة بدون تجميل أو أي عمليات
س- هل الشبه اللى بينك وبين هيفاء دى نقطه إيجابية بتفيد فى حياتك العملية ولا وضعك فى برواز غير قادره تخرجى منه وتعيشى حياتك الطبيعية ؟
ساعدنى فى أنى أتعرف بالسوشيال ميديا وأصبح ليا معجبين ومتابعين لكن مع مرور الوقت اثر ذلك حريتى وممارستى لحياتى وأصبح كل شىء محسوب عليا
س- هل فى تواصل بينك وبين النجمة هيفاء وهل هيفاء تعرفك وتعرف وجه الشبه الكبير بينكم؟
لا للأسف مفيش أي تواصل شخصي بيننا وكنت أتمنى واحب يكون فى تعارف لكن ما حصل نصيب من قبل
س- لماذا اختارتى دبى للإقامة وما هى أخبار سوق العقارات وهل الأزمة العالمية أثرت فى قرارات المستثمرين وحركة البيع والشراء ؟
دبي اكبر مدينة سياحية عالمية وهى مميزة فى كل شىء وبالنسبة لى هى بلد الكرم اللى غمرتنى بحبها وخيرها وحققت ذاتى فيها خاصة بعد وفاة زوجى الله يرحمه والحمد لله أصبح ليا مكانة وأسم وتواجد بجدارة
وطبعا دبى اتاثرت بالحرب وبالأحوال الإقتصادية وأصبح هناك حالة من الركود فى الشراء وأتمنى الأحوال تتغير فى العام الجديد إن شاء الله
س- مين هما عملائك وازاى بتتواصلى معاهم ؟
عملائى من كل أنحاء العالم وأهم حاجه بينى وبين العملاء هى الثقة والمصداقية و بيجولى هم وأصدقائهم وبيسألوا عليا بالأسم لأنهم جربوا التعامل معايا
س- ما هى أخبار سوريا وهل بتزوريها وبتشوفى أسرتك وأهلك؟
أكيد بزور سوريا لأنها هي العشق الساكن بالقلب وفيها كل الأحباب فاته وبزورها عشان والدتى وأخواتى ما زالوا مقيمين فيها
س- من وجهه نظرك كسورية ما هو الحل الأمثل لرجوع سوريا الأم ولم شمل أهلها من شتى بقاع العالم ؟
مش بحب أتكلم أو أحكى عن السياسة لان ليها فروع كتيرة ووجهات نظر متعددة بس باتمنى من قلبى ان سوريا ترجع أحسن من الأول ونرجع نعيش فيها من تانى
س- كيف أثرت دراستك للأدب الفرنسى فى ثقافتك واختياراتك وتوجهاتك ؟
بالطبع لقد أثرت فيا لانه دراستك هي جزء كبير من كيانك الطفولي منذ الصغر وهي ضافت الي جزء كبير من روعه وجمال الثقافة والحضارة الفرنسية
س– ما هى أهم خطوط الموضة فى الأزياء عن صيف 2023 وأهم الألوان التى هنشهدها فى الصيف القادم
وكيف تستطيعين التوفيق ما بين وقت شغلك وطبيعته وبين ظهورك المتألق فى أروع خطوط الموضة والاكسسوارات ؟
أنا مغرمة بحب الموضة وبحب بشكل عام ان الامراه تهتم بحالها وجمالها واناقتها وانا دائما بطلع علي الموضه من خلال سفري او حتي علي الميديا
وأنا أنصح النساء بالابتعاد عن الصبغات لانه ما في أجمل من الشعر الأسود الطبيعى وموضة السنة دى هى موضه الثمانينات و ألوان الصيف وهي البستال و الجونتيغ و النوار بشدا وهو الالوان الدافئة و قوية الإزدهار
س- ما هى أهم حاجه بتحاولى تزرعيها فى بنتك وبتحلمى تشوفيها ايه لما تكبر إن شاء الله ؟
بنتى هى حياتى وعمرى وأنا عايشه عشانها وأنا ليها الأب وآلام حاليا وأنا بعلمها تكون قوية ما تخاف من شىء
وبتمنى أشوفها مهندسة لانها عنده حس وذوق راقى ودائما هى منظمة جدا وبتحب تعمل كل حاجه بنظام
س- ما هي مواصفات الرجل اللى ممكن تتجوزيه وترتبطى بيه وأهم حاجه بتخدى بالك منها فى الراجل ؟
لازم يكون فى حب وثقة ولازم يكون كريم فى مشاعره ويمنحنى أهم حب وهو حب الأمان .
