قصيدة ” أمل ”
القلب الواقِع في غرامِك.
الراغِب تفاصيل القِصة
الحالِم يلمِس إحساسك
الصابِر مِستني الفُرصَة
يغازِل فَرحه لاجل عيونِك
يخطَف نِجمه تضَوّي دروبِك
يزرع بُستان جوري ومرمر
يعزِف ليكي كُل الالحان
عارفه ياروحي إنتي المرسى
بعد التِرحال.. والكِلمة الصادقه
في قصَايدي إنتي الموّال
واللامعَه الحِلوة فِ عْيوني
والتوبَة بعد العِصيان
انا بستنى مِنك كِلمة
نِبدأ بيها نِمشي الرِحلة
دا قَدرنا نكمِل قِصتنا
ونحَقق كُل الاحلام
العُمر ساعات تِجري بسُرعه
ايدِك بينا نِسرق لحظة
وِندوب فِ هَيام
دا الحُب حياة
ملهَاش أسبَاب
و الحُب حقيقة مَلموسة
بتطَيب كُل الاوجَاع
الحُب إجابة مش
عاوزة سؤال
الحُب أمَان
