كتبت: رحاب رجائي
فيروس كورونا بيقولنا إننا نقدر نعيش من غير كورة ودوري ومن غير مساء الأنوار، وممكن نعيش رمضان من غير مسلسلات ولا فوازير ولا رامز جلال .
فيروس كورونا بيقول للشملولة اللي كانت مصممة تعمل فرحها في قاعة ياسمينا ب 100 الف إنك عادي ممكن تكتفي بامك واخواتك وصحباتك أمل و إنچي بس.
فيروس كورونا بيقولنا إن شبابنا لو ما عملوش الحفلات الهبلة اللي بيعمولها دي ممكن يقدروا يكملوا الحياة بدون عقد نفسية ومش هيكونوا ماعاشوش سنهم ولا حاجة..
فيروس كورونا بيقولنا فخر العرب و ميسي و كريستيانو دلوقتي بقوا في مركز “المدافعين” ومرعوبين من أي “هجمة” من سعادته، وإنهم مش هيقدروا يسعدوا الملايين ولا حتى يصرفوا الملايين لإسعادهم ( المتحدث باسم كريستيانو نفى ما أشيع عن تحويله الفنادق التي يملكها لمستشفيات).
فيروس كورونا بيقول للحاج اللي مخلي القهوة بيته الأولاني إن مالكش بيت غير البيت اللي فيه ولادك ومراتك.
فيروس كورونا بيقولنا الجامع مش هيفضل متاح لنا على طول احنا اللي مقصرين أو تاركين الصلاة، والعمرة اللي بقالنا سنين بنأجل فيها رغم توافر ماديتها ممكن يُحال بينا وبينها.
فيروس كورونا بيقولنا ان الشهرة بتاعه مجاري المهرجانات والملايين واحلام المغيبات فاللى معاهم فلوس مش هتنفعهم وان اصحاب العلم بس هم اللى هينتصروا وخلى ملايينك تنفعك
فيروس كورونا بيقولنا ان لم تبدء تنشئ جيل بيتطاول فالدين وواخدة لعبه وهزار هيجي اليوم اللى هيتمنى فيه يلحق بس يتوب وافتكروا بوستاتكم ورمضان الاخير حصل ايه !!!
فيروس كورونا بيقولنا ان تريقتك على جيل ابوك وعلى ريحة 55555و555 لفلك الزمن وخلتك هتموت على 20 مللي بس منها تطهر نفسك منهم قبل ما الوباء يطولك.
