حنين الحب
شعر/ محمد عبد المولى
حـنين للحب واخـدني
وليل ونهـار معـذبني
لا انا قادر أعـود تاني
ولا قـلبي مطاوعني
ليه؟ ليه يا قلبي تـاعبني؟
. . . . . . . . . .
سـنين عايش وأنـا خـالي
لا مال فكري ولا في بالي
ولـما جـاني ونـادى لي
لـقيت رمشـه قـلب حـالي
وخدني لفوووق وراح سابني
ولا خـدني ولا جــابني
ليه ؟ ليه يا قلبي تـاعبني؟
. . . . . . . . . . .
سـهرت الليل وأنـا صابر
وقلبي عليل وموش قادر
قاسيت الويل وأنا حاير
ما بين الفكر والخـاطر
ورغم الهجر دوبـني
ورغم الظلم عــاجبني
أروح له يا قلبي؟ جـاوبني؟
ليـه؟
ليه؟ يا قلبي تـاعبني
